BEJE JETEN ME AMC EASY

AMC Easy është një mënyrë alternative për të përdorur më lehtë disa prej shërbimeve që ofron AMC. Falë thjeshtësisë në përdorim të këtij shërbimi, mund të përdorni në mënyrë më praktike disa shërbime me p.sh. AMC Transfer, Ring me, kontrolli i kohës së mbetur, etj.

Për të përdorur AMC Easy, mbani mend vetëm një kod të thjeshtë dhe do të tarifoheni vetëm pas përdorimit me sukses të shërbimit të zgjedhur, duke minimizuar kështu gabimet e mundshme.

Për ta përdorur shërbimin, formoni kodin #100# dhe shtypni butonin e thirrjes. Pas këtij veprimi, keni hyrë në menunë e shërbimit AMC Easy.

Menuja me shërbimet ju shfaqet në ekran. Më pas zgjidhni numrin përkatës të shërbimit që dëshironi të përdorni (p.sh. 1 i përgjigjet shërbimit AMC Transfer) dhe dërgojeni si mesazh.

AMC Easy vjen si një formë interaktive komunikimi përmes mesazheve të shkruara. Përgjigjet që ju vijnë, megjithëse ngjajnë me SMS, nuk janë të tilla. Ato qëndrojnë për 45 sekonda në ekranin e telefonit, kohë e mjaftueshme për të ndjekur udhëzimet.

Ndiqni hap pas hapi udhëzimet e shërbimit përkatës dhe dërgoni përgjigje në formën e një mesazhi të shkruar duke shtypur numrin që identifikon shërbimin dhe butonin e thirrjes ose OK, në varësi të aparatit.

Hyrja në menu dhe çdo veprim tjetër është falas. Abonenti të tarifohet vetëm në rastet kur shërbimi është i suksesshëm dhe i tarifueshëm. Ky shërbim përputhet me të gjitha llojet e telefonave celularë.